Para o próximo domingo 8 de marzo propoñemos a todas as familias, a realización dunha viaxe á comarca do Salnés, na que se combinarán actividades de sendeirismo, visitas guiadas, comida e xogos.
Ruta de Sendeirismo – Ruta da Pedra e da Auga
Esta ruta transcorre polos concellos de Ribadumia e de Meis, terminando o percorrido no Mosteiro de Armenteira. É unha ruta lineal de aproximadamente seis kilómetros cun grande valor etnográfico, na que atoparemos un bo número de muíños restaurados. O tempo estimado da ruta é de duas horas. O seu nivel de dificultade é “fácil”, sendo axeitada para familias.
Descarga o folleto da ruta: Folleto Ruta Auga
Visita guiada ó Mosteiro de Armenteira
No percorrido poderemos coñecer a singularidade da igrexa do mosteiro, que se conserva íntegramente tal e como foi rematada no ano 1220. O conxunto é unha estructura única na Península Ibérica porque nela conflúen trazos da arquitectura cisterciense e modexar.
Na actualidade está habitada por unha comunidade de monxas adicadas á vida da oración e do traballo, e teñen unha tenda onde venden os seus famosos xabóns artesáns realizados con produtos naturais.
Comida e actividades no Colexio Salesiano de Cambados
E despois de camiñar e contemplar o fermoso mosteiro, tocará repoñer forzas cun xantar no Colexio de Cambados. Despois teremos tempo de desenvolver distintas actividades: xogos, visita á granxa-escola do colexio, etc.
Animádevos a compartir un día de lecer e convivencia da nosa comunidade educativa.
ANPA Colexio Salesianos Vigo 