· A Xunta de Castela e León impón de forma solidaria á UTE Serunión-Grupo Lince Asprona unha sanción polos incidentes alimentarios que sucederon o 9 de outubro de 2014 en seis comedores escolares das provincias de León e Segovia. Apareceron larvas de gorgoxo na sopa.
· A Consellería de Educación abre un expediente informativo á empresa Serunión que presta servizo de catering en 23 comedores escolares de Galicia.
· Recóllense no Colexio 110 sinaturas que solicitan accións para a mellora do servizo do comedor.
· A Anpa reúnese e define a súa postura para presentar no Consello de Dirección do Colexio, en relación ao comedor. No caso de que a empresa de Catering non ofreza posibilidades de mellora do servizo convincentes, a Anpa ofrécese a recoller información de servizos de comedor alternativos, para presentar ao Equipo de Dirección do Colexio.
· Trala reunión do Consello Escolar do día 27 de xaneiro, a Dirección do Colexio informounos da apertura dun procedimento destinado a mellorar este servizo.
· A Dirección do Colexio traslada a Serunión o descontento existente co servizo prestado e solicita melloras. Paralelamente pide presupostos a outras empresas.
· A Anpa pon en marcha a recollida de información sobre empresas de catering alternativas e outras opcións de servizo.
· Ante esta situación, representantes de Serunión solicitan unha reunión coa directiva da Anpa para recoller de primeira man as queixas sobre o servizo e para informar da súa postura.
· Esta reunión celébrase o 26 de Febreiro. A Directiva da ANPA convida a participar aos pais membros do Consello Escolar e a dous pais asinantes da solicitude de mellora. Por parte de Serunión acoden o representante da empresa en Galicia e a responsable da empresa no noso Colexio. Os pais presentamos a nosa percepción do servizo en canto a calidade e temperatura da comida, coordinación do servizo, atención aos rapaces, información suministrada aos pais, e solicitamos información acerca da calidade dos alimentos e a súa conservación, dos procedementos de elaboración e transporte, equipamentos empregados, protocolos de actuación, …
· Ao final da reunión os representantes da empresa comprométense a facer unha revisión integral do servizo prestado e de presentar as alternativas de mellora.
· A primeiros de marzo o representante de Serunión comunica á Directiva da Anpa que xa ten propostas de mellora e que comeza a traballar co Colexio na súa concreción.
· Entrada en funcionamento das melloras.
· O luns 13 de Abril o Director do Colexio convoca á Xunta Directiva da Anpa a unha reunión para informar dos cambios. A Anpa, novamente convida a participar aos pais membros do Consello Escolar e a dous pais asinantes da solicitude de mellora.
Para máis información:
– Comunicación Xestión comedor
– Comunicado novidades comedor
ANPA Colexio Salesianos Vigo 